Karen Davila Speaks Up On ‘awkward’ Interview With Alma Moreno

Marami man ang pumuri sa kanya, may mangilan-ngilan pa ring nag-akusa kay Karen Davila na pinahirapan niya si Alma Moreno sa kanyang interview sa programa nitong Headstart sa ANC noong November 11. Buwelta ni Karen, “Please note – I didn’t ask Ms Alma Moreno about the West Phil Sea issue, but moved to RH Law because she said her advocacy is on ‘women.’”
PHOTO: BORROWED FROM KAREN DAVILA’S INSTAGRAM ACCOUNT

Malawak na ang narating ng usapin tungkol sa naging panayam ni Karen Davila kay Parañaque councilor at senatorial candidate Alma Moreno sa programang Headstart sa ANC noong November 11.

Si Alma ay tumatakbo sa ilalim ng United Nationalist Alliance (UNA) na pinangungunahan ng tambalan nina Vice President Jejomar Binay sa pagka-pangulo at Senator Gringo Honasan sa pagka-bise presidente.

Sa live interview ni Alma sa programa ni Karen, inusisa ng TV host ang dating aktres kung ano ang mga magiging programa nito sa Senado sakaling palaring manalo sa 2016 elections.

Pero may mga tanong si Karen na tila hindi naintindihan nang maigi ni Alma kaya naman naging mali-mali ito sa kanyang mga kasagutan.

Read: Senatoriable Alma Moreno ANC interview with Karen Davila goes viral; believes same-sex marriage is a sin

NOT SHOWBIZ INTERVIEW? Pinuri ng marami si Karen sa nasabing interview.

Naipakita raw kasi sa kanyang pagtatanong na hindi pa handa si Alma na humawak ng mas mataas na posisyon.

Hindi raw kasi nasagot ng aktres ang basic issues sa bansa, partikular na ang mga panukalang batas tungkol sa Reproductive Health Bill (RH Bill) at sa Bangsamoro Basic Law (BBL).

Pero may mangilan-ngilan ding kumuwestiyon sa istilo ng pagtatanong ni Karen kay Alma.

Bago mag-commercial break sa first gap ng live interview kay Alma, nabanggit ni Karen ang mga salitang ganito: “Madali naman kasi ang mga showbiz interview.”

Sa Instagram ay nag-post si Karen ng larawan niya kasama si Alma matapos ang kanyang panayam.

Dito ay may ilang nangahas na kuwestyunin ang kanyang naging motibo sa paraan ng pagtatanong kay Alma.

View this post on Instagram

A post shared by Kristin Karen Davila (@iamkarendavila)

Sabi ni @agp142000: “I totally disagree, dapat marunong din si @iamkarendavila na i-level ang sarili sa iniinterview niya.

“Nakakaawa ang maging mahina wala na ngang maisagot pinipiga pa rin… Alma is a guest of your show and she is not applying for any particular job na kailangang gisahin.”

Sinang-ayunan naman ito ni @nikandi16: “I agree with you @agp142000, @iamkarendavila should have changed her manner of questioning towards Alma.

“Kasi naman obvious na hindi na niya masagot yung questions tapos nag-continue pa din siya with another questions, sana nag-adjust si Karen.

“Alam naman natin, Alma is not capable pero put yourself in her shoes, di ba paraang nakakaawa?”

Tanong naman ni @ecyoj_adnag: “Hi ms@iamkarendavila just wonderin if nabrief si Alma before the interview or those are on the spot questions?”

Sabi naman ni  @trinidadphercy, “@iamkarendavila KAREN COMMENT LANG AKO AGREE AKO SA SINABI MO NA MAS MADALI NAMAN KASI ANG SHOWBIZ INTERVIEW!

“TAMA KA DUN! SA INTERVIEW NI ALMA ITS LIKE SHE SEATS ON THE BUZZ INTERVIEW, BUT INFAIRNESS TO HER SHE TRY HER BEST TO ANSWER KAHIT NA DUGUAN NA ILONG NYA SA TANONG HAHA!

“AT MAHALAGA DIN SA AMIN YUN AS VOTERS KUNG IF ALMA IS 1 OF OUR LINE UP OR NOT! AND THAT MOMENT I FELT NA IKAW NA YUNG NAG ADJUST SA QUESTIONS THATS WHY U ASK TAGALOG NA PRA MAS MAINTINDIHAN NYA DBA, INALALAYAN MO PRIN NMN CIA.

“PERO ANG BOTTOMLINE IS AFTER THAT INTERVIEW ANG TAONG BAYAN NA ANG MAGDDECIDE IF THEY ARE VOTING FOR ALMA OR NO! just saying… god bless!”

Dagdag naman ni @manrich143: “Kahit ako pag may interview at on the spot,hindi ko kakayanin.may mga tao kasi na mas magaling sa written,pwede mong i edit lang.

“Wala bang interview questions na binibigay bago ang interview? Sa akin kasi ang sukatan ng magaling na reporter,yung hindi lang ikaw ang lalabas na magaling.”

Sabi naman ni @julie82482, “@manrich143 di mapapahiya c Alma kahit di xa masyado informed kng di dahil sa way ng pag interview ni@iamkarendavila.”

“I TRIED TO HELP HER.” Kaagad namang nag-react si Karen sa mga tanong at tila nagdudang followers niya.

Dito ay sinabi ni Karen na hindi nila ibinibigay ang mga katanungan sa guest bago ang actual interview.

Ayon pa sa ABS-CBN broadcaster, tinulungan pa nga niya si Alma sa pamamagitan ng pagtatanong sa Tagalog bagamat English ang format ng kanyang programa.

“NO, interview questions are never given to an interviewee.

“I research a lot & try and come as prepared as I can every single day. If you watched the interview in full, you will see that I shifted to Tagalog, during many times – I tried to help her.

“My previous interviews were much tougher – w Sen Bongbong Marcos for example or MIAA GM Anghel Honrado.”

Dinepensahan din ni Karen ang naging paraan niya ng pagtatanong.

Aniya, “When someone is running for higher office – they must have an understanding of issues. This is a standard we owe to the Filipino people.

“You will choose in the end. My job is to ask the hard questions. Salamat Maam 🙏🏻”

Dagdag pa ni Karen, “Please note – I didn’t ask Ms Alma Moreno about the West Phil Sea issue, but moved to RH Law because she said her advocacy is on ‘women.’

“I took on from there – her thoughts on RH Law which is a landmark law crafted for women. Salamat po! 🙏🏻”

Source: www.pep.ph